नेपाली महिला क्रिकेट अझै पनि सरकारको आँखामा पर्न सकेको छैन – अन्जली चन्द

समाचार

१३ औं दक्षिण एसियाली खेलकुद (साग) अन्तर्गतको महिला क्रिकेट सोमबारदेखि पोखरा रङ्गशालामा सुरु भएको छ ।पहिलो दिन भएको खेलमा नेपालले माल्दिभ्सलाई १० विकेटले पराजित ग¥यो । यसो त यो खेल माल्दिभ्सको पहिलो अन्तराष्ट्रिय खेल थियो ।पहिलो खेलमा नेपालका लागि डेब्यू गरेकी खेलाडी अञ्जली चन्द खेल सकिएपछि चर्चामा आइन् । कारण थियो नयाँ विश्व कीर्तिमान । उनले २.१ ओभर बलिङ गर्दै कुनै रन खर्च नगरी ह्याट्रिकसहित ६ विकेट लिइन् ।

२५ वर्षीया उनको यो प्रदर्शन क्रिकेट जगतमै निकै सम्झनलायक मानिएको छ ।हामिसँगको भेटमा उनले आफूले नसोचेको उपलब्धि हासिल गरेको बताइन् । टोलिमा परे पछि उनले सोचेकी थिइन् – ‘विकेट लिएर मेरो कला देखाउँछु ।’राष्ट्रिय टिममा डेब्यू गर्न पाएपछि निकै खुसी लागेको र किर्तिमान रच्दा त झन् खुसी बढेको प्रतिक्रिया दिइन् । तर, उनको यो प्रदर्शन सजिलै भने हासिल गरेकी हैनन् ।विवाह बन्धनमा बाँधिएको चार वर्षपछि उनले क्रिकेटमा पुनरागमन गरिन् र नयाँ किर्तिमान राख्न सफल भइन् । अञ्जली पहिलो खेलमा उमन अफ द म्याच पनि घोषित भईन् ।

उनले नेपाली महिला क्रिकेटमा धेरै समस्या देखेकी छन् ।नेपाली क्रिकेटका लागि सरकारले महिला क्रिकेटरका लागि पनि पुरुषको जतिनै सेवा सुविधा दिनु पर्ने र अझ बढी महिला क्रिकेटका घरेलु लिगलाई बढावा दिनु पर्ने ठान्छिन् ।नेपाली महिला क्रिकेट अझै पनि सरकारको आँखामा पर्न नसकेको अञ्जली बताउँछिन् । क्रिकेट अझै जीविकोपार्जनको माध्यम बन्न नसकेको उनी गुनासो गर्छिन् ।सीप नभएका कारण क्रिकेट छाड्दा अरु पेशाको लागि अयोग्य पनि हुने र क्रिकेटले जिविकोपार्जन सम्भव नभएकाले क्रिकेटरको जीविकोपार्जनका लागि सरकारले ठोस कदम चाल्नुपर्ने उनको भनाइ छ ।

admin
Author: admin

Leave a Reply

Your email address will not be published. Required fields are marked *